ଅଗ୍ରଣୀ ସ୍ବେଚ୍ଛାସେବୀ ସଂଗଠନ ବିଶ୍ୱାସ ଦ୍ଵାରା ଆୟୋଜିତ ବିଶାଳ ନିଯୁକ୍ତି ମେଳା
ବାଲେଶ୍ୱର ଜିଲ୍ଲାର ଅଗ୍ରଣୀ ସ୍ବେଚ୍ଛାସେବୀ ସଂଗଠନ “ବିଶ୍ୱାସ” ତରଫରୁ ଜଳେଶ୍ୱର ସ୍ଥିତ ମହିଳା ମହାବିଦ୍ୟାଳୟରେ ୧୮ ତାରିଖ ରବିବାର ଦିନ ଏକ ବିଶାଳ ନିଯୁକ୍ତି ମେଳା ଆୟୋଜିତ ହୋଇଯାଇଛି। ୧୦ରୁ ଉର୍ଦ୍ଧ କର୍ମସଂସ୍ଥାନ ଏହି ନିଯୁକ୍ତି ମେଳାକୁ ଆସିଥିଲେ। ଏଥିରେ ୪୮୮ ଜଣ ଆଗ୍ରହୀ ପାର୍ଥୀ ପଞ୍ଜିକରଣ କରିଥିଲେ ଯେଉଁ ମାନଙ୍କ ମଧ୍ୟରୁ ୬୭ ଜଣ କୃତକାର୍ଯ୍ୟ ହୋଇ ବିଭିନ୍ନ କର୍ମସଂସ୍ଥାନ ରେ ନିଯୁକ୍ତି ପାଇବା ପାଇଁ ଯୋଗ୍ୟ ବିବେଚିତ ହୋଇଥିଲେ। ଏହି କାର୍ଯ୍ୟକ୍ରମରେ ଅବସରପ୍ରାପ୍ତ କଲେଜ ଅଧ୍ୟକ୍ଷ ଶ୍ରୀଯୁକ୍ତ ବିପିନ ବିହାରୀ ବିଶ୍ବାଳ, ବାଲେଶ୍ୱର ଜିଲ୍ଲା ରକ୍ତ ଭଣ୍ଡାରର ସମ୍ପାଦକ ଶ୍ରୀ କମଲ ଚକ୍ରବର୍ତ୍ତୀ, ମହିଳା ମହାବଦ୍ୟାଳୟର ଅଧ୍ୟକ୍ଷ ଶ୍ରୀଯୁକ୍ତ ଡକ୍ଟର ପ୍ରଫୁଲ୍ଲ କୁମାର ଦେ, ଶ୍ରୀ ଅକ୍ଷୟ ଦାସ( ଆଇ ପି ଓ, ଜଳେଶ୍ୱର), ବିଶ୍ଵାସର ସାଧାରଣ ସମ୍ପାଦକ ସଂଗ୍ରାମ କେଶରୀ ପରିଡ଼ା,ଆଦି ପ୍ରମୁଖ ଯୋଗ ଦେଇଥିଲେ।