କଲ୍ପନା ଜଳ୍ପନା ଶେଷ ,ମୋହନ ମାଝୀ ହେବେ ଓଡିଶାର ନୂଆ ମୁଖ୍ୟମନ୍ତ୍ରୀ ,କନକ ବର୍ଦ୍ଧନ ସିଂଦେଓ ଓ ପ୍ରଭାତୀ ପରିଡା ହେବେ ଉପମୁଖ୍ୟମନ୍ତ୍ରୀ। ବିଧାୟକ ଦଳ ବୈଠକରେ ନୂଆ ନେତା ଚୟନ ପରେ ରାଜ୍ୟପାଳ ରଘୁବର ଦାସଙ୍କୁ ଭେଟିଛନ୍ତି ନୂତନ ମୁଖ୍ୟମନ୍ତ୍ରୀ ମୋହନ ମାଝୀ । ରାଜ୍ୟପାଳ ଙ୍କୁ ଭେଟି ସରକାର ଗଠନ ନେଇ ବିଧିବଦ୍ଧ ଦାବି ଉପସ୍ଥାପନ କରିଛନ୍ତି ।
ଐତିହାସିକ ମୂହୁର୍ତ୍ତକୁ ସମସ୍ତଙ୍କ ଅପେକ୍ଷା । ସନ୍ଧ୍ୟା ୫ଟା ରେ ଶପଥ ନେବେ ରାଜ୍ୟରେ ପ୍ରଥମ କରି ଶାସନ ଆରମ୍ଭ କରିବାକୁ ଯାଉଥିବା ବିଜେପି ସରକାରର ପ୍ରଥମ ଶପଥ ଗ୍ରହଣ ଉତ୍ସବକୁ ଭବ୍ୟ ଏବଂ ବିଶାଳ କରିବାକୁ ଦୁଇ ଦିନ ଆଗରୁ ସଜେଇ ହୋଇଛି ରାଜଧାନୀର ଜନତା ମଇଦାନ । ନୂଆ ମୁଖ୍ୟମନ୍ତ୍ରୀଙ୍କ ଶପଥ ସମାରୋହ ପୂର୍ବରୁ ବିଜେପିର ଏକ ଦଳ ପୁରୀ ଯାଇ ଶ୍ରୀମନ୍ଦିରରେ ଶ୍ରୀଜିଉମାନଙ୍କ ଦର୍ଶନ କରିବା ସହ ମହାପ୍ରଭୁଙ୍କ ଆଶିଷ ଭିକ୍ଷା କରିଛନ୍ତି ।