୫୦୦ ଟଙ୍କାରେ ମିଳିବ ଏଲପିଜି ଗ୍ୟାସ । ଯେଉଁ ରୋଷେଇ ଗ୍ୟାସକୁ ଏବେ ପାଖାପାଖି ୧୧୦୦ ଟଙ୍କାରେ ଲୋକମାନେ କିଣୁଛନ୍ତି ସେହି ଗ୍ୟାସ ଏବେ ୫୦୦ ଟଙ୍କାରେ ମିିଳିବ ।
ଆସନ୍ତାବର୍ଷ ରାଜସ୍ଥାନ ବିଧାନସଭା ନିର୍ବାଚନ ଥିବାବେଳେ ଏହା ପୂର୍ବରୁ ମୁଖ୍ୟମନ୍ତ୍ରୀ ଅଶୋକ ଗେହଲଟ ଏପରି ଏକ ବଡ଼ ଘୋଷଣା କରିଛନ୍ତି । ରାଜସ୍ଥାନରେ ଦାରିଦ୍ର୍ୟ ସୀମା ରେଖା ତଳେ ଥିବା ଏବଂ ଉଜ୍ଜ୍ୱଳା ଯୋଜନାରେ ପଂଜିକୃତ ହୋଇଥିବା ଲୋକମାନଙ୍କ ପାଇଁ ଆସନ୍ତା ଏପ୍ରିଲ ୧, ୨୦୨୩ରୁ ଏଲପିଜି ସିଲିଣ୍ଡର ମାତ୍ର ୫୦୦ ଟଙ୍କାରେ ମିଳିବ । ଏହି ସମୟରେ କେନ୍ଦ୍ରର ଉଜ୍ଜଳା ଯୋଜନାକୁ ନେଇ ଟାର୍ଗେଟ କରିଛନ୍ତି ଅଶୋକ ଗେହଲଟ । ସେ କହିଛନ୍ତି, କେନ୍ଦ୍ରର ଉଜ୍ଜ୍ୱଳା ଯୋଜନାରେ କେହି ଏଲପିଜି କିଣୁନାହାନ୍ତି । କାରଣ ଏଲପିଜି ଦର ୪୦୦ ଟଙ୍କାରୁ ବୃଦ୍ଧି ପାଇ ୧୦୪୦ ଟଙ୍କାରେ ପହଂଚିଛି ।