ଆଜିଠାରୁ ଆରମ୍ଭ ହେଉଛି ୭୫ତମ ବିଶ୍ୱପ୍ରସିଦ୍ଧ ବରଗଡ଼ ଧନୁଯାତ୍ରା । ଦୀର୍ଘ ୧୧ ଦିନ ଧରି ଚାଲିବ କଂସ ମହାରାଜଙ୍କ ଶାସନ । ଆଜିଠୁ ବରଗଡ଼ ସହର ପାଲଟିଯିବ ମଥୁରା ନଗରୀ, ସେହିପରି ଅମ୍ବାପାଲି ପାଲଟିଯିବ ଗୋପପୁର, ଜିରା ନଇ ପାଲଟିଯିବ ଯମୁନା, ଆଉ ବରଗଡ଼ ସହରବାସୀ ପାଲଟି ଯିବେ ଜଣେ ଜଣେ କଳାକାର ।
ଧନୁଯାତ୍ରା ପାଇଁ ପ୍ରସ୍ତୁତି ଶେଷ ହୋଇଛି । ପୁରା ସହର ଯେମିତି ସଜେଇ ହୋଇପଡ଼ିଛି । ଚଳିତବର୍ଷ ବରଗଡ଼ ଧନୁଯାତ୍ରା ୭୫ ବର୍ଷରେ ପହଞ୍ଚିଛି । ତେଣୁ ଧନୁଯାତ୍ରା କମିଟି ପକ୍ଷରୁ ଏହି ହୀରକ ଜୟନ୍ତୀ ଭଲ ଭାବେ ପାଳନ ପାଇଁ ପୁରା ଯୋଜନା ପ୍ରସ୍ତୁତ କରାଯାଇଛି । ଆଜି ସଂଧ୍ୟା ସମୟରେ ବରଗଡ଼ ଧନୁଯାତ୍ରାର ଉଦଘାଟନ ହେବ ।